三林塘肉皮好吃来 沙龙, 博客

老叟

    昨天是礼拜六，阿拉跟了东方网博客沙龙博友一道去参观，垃拉徐浦大桥下江中老码头，现在变得完全是现代建筑风格。世博民居文化区就放了迭塔，参观完世博民居文化区后，重游浦东三林塘。
   博客沙龙，偶还是第一次参加，感觉老开心，又认得了交关博友，迭次博客沙龙活动，看得出山林老师做了相当多个功课，像参观世博民居文化区呀，包括三林老街当地有名的汤氏民宅啊，目前对外都还呒没开放来，阿拉先睹为快，在这里偶要说一声：谢谢侬，山林老师侬辛苦了。

    一路参观过来，看到三林古镇正规划打造一批历史文化，开发老街民俗旅游景区，目前老街还保留了刺绣、瓷刻、三林酱菜、标布 等。上一次来三林赶庙会，三林酱菜忘记塔买来，迭次勿要错过哦！听讲地生姜蛮好，尝尝味道灵个呀！哈哈！还有三林肉皮来，让我最开心是山林老师帮阿拉买到了正宗个三林肉皮。

    今天晚上“吃啥呦”‘就吃三林肉皮呦！迭道菜偶就按照山林老师教的办法操作，烧出来个肉皮汤果然不错，香喷喷，勿晓得是肉皮质量好来，还是阿拉手艺高，吃的来阿拉先生眉开眼笑，只看到伊翘起大拇指，一个字：灵个呀！三林肉皮真是名不虚传，看来有机会阿拉还是要去拜访三林塘拎点肉皮回来送送人，让朋友们一起分享，阿拉勿是做广告哦！









勿好意思，汤要是盛了一只漂亮碗里厢，卖相还要灵来。