喂喂喂，侬姓啥？我姓黄。
啥个黄？草头黄。
啥个草？青草。
啥个青？碧历青。
啥个碧？毛笔。
啥个毛？三毛。
啥个山？高山。
啥个高？年糕。
啥个年？XXXX年。
本来要打千千万万记，现在辰光来不及，马马虎虎打十记，一、二、三、四、五，六、七、八、九、十，打了十记还勿够，还要打三记，一、二、三。
阿唷哇，作啥啦？蚊子咬我呀，快点上来呀。
炒啊炒，炒啊炒，炒好黄豆翻跟头。
一歇哭，一歇笑，两只眼睛开大炮，一开开到城隍庙，城隍老爷哈哈笑。
三三三，阿拉三是木头人，伐许哭来伐许笑，还有一个伐许动。
笃笃笃，卖糖粥，三斤胡桃四斤壳。吃侬肉，还侬壳 张家老伯伯问侬讨只小黄狗。
落雨喽，打烊喽，小巴辣子开会喽，廿四路电车打弯喽。
赖学精,白相精,书包掼辣屋头顶,看见先生难为情!
小三子，拉车子，一拉拉到陆家嘴。拾着一包香瓜子，炒炒一锅子，吃吃一肚子，拆拆一裤子，到黄浦江边解裤子，拨拉红头阿三看见仔，拖到巡捕行里罚角子。
山里有只庙，庙里有只缸，缸里有只碗，碗里有只蛋，蛋里有个小和尚，嗯呀嗯呀要吃绿豆汤。
摇啊摇、摇到外婆桥，外婆叫我好宝宝。糖一包，果一包，外婆买条鱼来烧。头勿熟，尾巴焦，盛在碗里吱吱叫，吃拉肚里豁虎跳。跳啊跳，一跳跳到卖鱼桥，宝宝乐得哈哈笑。
正月里向踢毽子，
二月里向放鹞子，
三月里向荠菜子，
四月里向落花子，
五月端午裹粽子，
六月里向拍蚊子，
七月棉花结铃子，
八月里向吐瓜子，
九月里收葵花子，
十月里向造房子，
十一月里切栗子，
十二月里养个小儿子。
从前有只庙， 庙里有棵树， 树下有个老和尚， 老和尚对小和尚讲故事： 从前有只庙...... |
发表于 2012-11-13 16:06
| 
