小辰光过国庆节（沪语版）
[b][size=4] 阿拉小个辰光国庆节放两天假。假使碰到礼拜天连起来就是三天，搿个辰光就算是长假了。勿像现在一放就是七天，今年再加上中秋节就是八天了！搿个辰光真是想也勿要想。搿个辰光一年到头放假个节日勿多个。只有元旦一天、春节三天、五一节一天，国庆节两天，一年里向一塌刮仔只有七天。勿像现在连得清明节、端午节也放假，还有每个礼拜个双休日。所以，搿个辰光国庆节放假休息也是桩大事体了。刚刚过了暑假开学只有一个月，又好白相三天勿要到学堂里去了，真是开心。[/size][/b][b][size=4] 回忆起来，阿拉小辰光过国庆节最开心个就是“三看”。
[/size][/b]
[size=4][b] 一是看大YX。搿个辰光一年大YX只有两趟。一趟是“五一”劳动节，一趟就是国庆节。后来勿晓得从啥个辰光开始，“五一”劳动节勿YX了，只有国庆节才YX。搿个辰光阿拉屋里向住辣辣南昌路，就辣辣淮海路后面。我看大YX就到淮海路、雁荡路口去看。YX队伍从人民广场出来后分成几路，其中一路经过黄陂路就到淮海路。我看个就是搿个一路。看大YX个人多是多得勿得了，我只好老早就去抢地方。我最欢喜看YX队伍里个各种模型，有个还会得动。还有就是穿漂亮衣裳个文艺队伍得仔敲大铜鼓、吹大喇叭个大乐队，神气得勿得了。大YX个辰光一般两个钟头勿到。我一直从头看到底，立辣浪看得起劲，脚酸也勿晓得了。因为人矮，有辰光还要踮起脚来看，也勿晓得吃力。现在想起来搿个辰光个“胃口”真是老好个。
[/b][/size]
[size=4][b] 二是看焰火。日里向个大YX结束已经是中朗向了。吃好中饭就稍微休息一息。因为夜里向还要去看焰火。搿个辰光一年到头只有国庆节放一趟焰火。看焰火也是阿拉过国庆节个一桩大事体。我有辰光赶辣辣交通管制前头到人民广场去看，有辰光就到屋里附近个马路口去看，还有个辰光索性爬到屋头顶浪向去看。五颜六色个焰火真是好看。每趟焰火放出来总会激起一阵欢呼和尖叫。记得搿个辰光有一种焰火里有小降落伞飘下来，大家就侪去抢。抢到个人勿要太神气哦。
[/b][/size]
[size=4][b] 三是看彩灯。国庆节到处张灯结彩，特别是外滩、南京路、淮海路个彩灯漂亮得勿得了。看好焰火就得仔小朋友一道去看彩灯。看彩灯个人真是人山人海，阿拉一帮小人轧辣里向东穿西跑。袋袋里向有点铜佃还好买点小零食吃吃。记得有一趟等到看灯结束，亲眼看到马路上侪是一堆鞋子，侬想想看灯个人多伐？
[/b][/size]
[size=4][b] 小辰光过国庆节印象最深个主要就是搿个“三看”。现在老了，“三看”变成了“一看”，坐辣辣屋里向看电视。一是少了当年个兴趣，二是也呒没了当年个激情搭仔精力。不过想想当年过国庆节个情景还是蛮有劲个，侬讲是伐？
[/b][/size] 我原来住了江宁路,伊个辰光本来车子也少,国庆节马路上基本无末车子,可以在马路上散步做游戏 我只晓得小辰光，看烟火的辰光要披棉袄了，夜里从7点一直放到要11点了。早上YX，外头穿白衬衫，里厢还要穿件绒线衫了。比现在冷多了。
页:
[1]