《箍桶呕......》（上海闲话）
[align=left][font=楷体_GB2312][size=5][color=#0000ff] 老上海人肯定还能记得，来嘞四五十年前搿市井叫卖声中，其实还夹杂着另一种叫声，那就是服务于市民的修修补补招徕生意的吆喝声，从“削刀磨剪刀”、“阿有坏搿棕绷修伐藤绷修伐”、“皮鞋擦伐皮鞋唉”、“阿有坏搿木器家俬修伐”、“修阳伞唉”直到收破烂的“易货呕卖烂东西呕”，不一而足。那些吆喝声都带着不同的音调，顺序是“5i6—56—5”、“6645662644”、“1322122”、“3312123322”、“i565”和“366—53655”，今朝我来嘞格搭要怀旧搿是其中顶短搿一种吆喝——“箍桶呕”——“i56”。[/color][/size][/font][/align][align=left][font=楷体_GB2312][size=5][color=#0000ff]
[/color][/size][/font][/align]
[align=left][font=楷体_GB2312][size=5][color=#0000ff] 讲起箍桶，现在搿小人大都勿晓得搿是做啥格。老底子，一家人家屋里厢，汰衣裳汰被头汰脚，用搿家俬大都数侪是木桶，唔没卫生设备淋浴浴缸搿人家，汰浴用搿还是木桶，顶重要搿，是解决排泄问题搿“子孙桶”，就是马桶，还是木头做搿，而凡是木桶，侪是用铁箍或者铜箍箍起来搿，唔没铁箍或者铜箍箍起来，木桶就要撒架，是唔没办法使用搿。勿管是腰圆形搿长木盆还是正圆形搿圆木盆，还勿管是直板桶还是弯板桶，好点噶搿木桶使用铜箍，推板点搿就使用铁箍，顶蹩脚搿还有用铁丝代替铁箍搿。[/color][/size][/font][/align]
[align=left][font=楷体_GB2312][size=5][color=#0000ff]
[/color][/size][/font][/align]
[align=left][font=楷体_GB2312][size=5][color=#0000ff] 木桶使用辰光长了，铜箍铁箍或者铁丝箍总归要发生锈烂，朽烂搿铜箍铁箍铁丝箍，就要箍桶匠来换箍，所以箍桶匠随身背搿工具箱廊大大小小搿各种直径搿铜箍铁箍十几只几十只，以适应不同直径搿木桶箍桶需要。屋里厢有木桶要换箍了，箍桶匠吆喝声之后，就会有当家主妇或者老人出来喊一声“箍桶”！箍桶匠应声而止步，放下工具箱，接过要换箍搿桶，眼睛一瞄，就从大大小小搿箍当中选取一只大小合适搿箍来，照例问一声：“铜箍铁箍？”虽然有辰光看到原来搿桶身上箍搿是铁箍，还是会问一声，假使讲换铜箍，价钿就会高一点，伊还可以多赚一点，当然还有辰光是原来桶身箍搿是铜箍，事主要求换铁箍搿，因为木桶已经勿灵了，桶身木板已经有眼朽坏了，犯勿着花大价钿换铜箍，箍桶匠还会咕噜一声“小气鬼”，随后就乒乒乓乓拿原来搿箍褪下来，换上新箍，有辰光还要换脱一两块桶板，最后拿桶身重新箍起来，考究点搿箍好桶之后还要来嘞桶身外头涂上一层清漆，当然收费会得比单换箍贵一点。换好箍之后，原来搿箍箍桶匠是勿带走咯。[/color][/size][/font][/align]
[align=left][font=楷体_GB2312][size=5][color=#0000ff]
[/color][/size][/font][/align]
[align=left][font=楷体_GB2312][size=5][color=#0000ff] 顺带便讲一声，换下来搿箍，一般就是老底子弄堂里厢白相滚铁圈儿童游戏搿现成玩具，只要再拿根铁丝拗一根带弯叉搿钩子就可以滚铁圈白相了，当然，顶高档搿就是换下来搿铜箍当铁圈滚，不过一般人家勿可能搿能做搿，侪是拿伊卖脱换钞票咯，当年回收铜就要毛两元一斤，而铁只有四分洋钿一斤。[/color][/size][/font][/align]
页:
[1]