“猪油夹沙”馒头
[size=5][color=#800080]东方网论坛月度征文，引来一帮网友，勾起小辰光难忘格记忆，一个月里厢好文章有亢赢亢事，雷沙圆、蟹壳黄、两面黄、小笼馒头、鸡鸭血汤、开洋葱油拌面……，诱得看格宁口涎水滴嗒。来拉大家引导下，我又想起老城隍庙老早子格有名小吃，小辰光城隍庙弄堂里厢小朋友，嘴浪厢挪迭些点心店小吃，编成歌唱“笃笃笃，买糖粥，三斤核桃四斤壳”，还有“大饼油条脆麻花”、“猪油夹沙、肉馒头”、“香炒热白果，香是香来糯是糯”，迭些歌也多得来，拨过忘记得只存迭一点点。讲起“猪油夹沙、肉馒头”，就是讲迭辰光老城隍庙“松运楼”、“桂花厅”两家的点心花样。北方人称实心的馒头为“馒头”，而有馅的呼为“包子”。上海宁主食是米饭，平常不做实心“馒头”，所以挪包进去馅子的馒头，勿叫“包子”，而统称之“馒头”。小辰光到迭两家店买“馒头”吃，就简单叫法“甜馒头”、“肉馒头”。迭个“甜馒头”就是“猪油夹沙馒头”。
“猪油夹沙馒头”，吃起来老甜老香格，因为里厢馅子是豆沙，红豆细沙，放白糖，包馒头辰光另外加一块生猪板油丁（上好猪板油切丁），也就是猪油夹到豆沙里包成的馒头；等到上笼屉蒸熟，店堂外头买好筹子格顾客，凭筹子领“馒头”。迭个“猪油夹沙馒头”，一口咬下去，甜蜜蜜的紫酱红豆沙里，有一块大姆指盖大小、香喷喷晶莹莹猪油，特别好吃。尤其是上世纪五六十年代，食不果腹岁月，能吃到迭块晶莹透剔猪油，真是解馋。
现在“豆沙馒头”里再没有夹猪油丁了，或是时代由“温饱”至“小康”，饮食讲究素淡养生，大肉大油不利健康，“猪油夹沙馒头”早就淡出上海小吃名列，但五六十年前的“猪油夹沙”的追求，成了怀旧轶事，仍是感慨不已。 [/color][/size]
页:
[1]